Liicht Sprooch zu Lëtzebuerg
Liicht Sprooch ass e wichtegt Instrument fir Inclusioun zu Lëtzebuerg. Si hëlleft Mënschen, déi Schwieregkeete mam Liesen oder Verstoen hunn, un der Gesellschaft deelzehuelen. Dëst Informatiounssäit gëtt en Iwwerbléck iwwer d’Bedeitung, d’Ressourcen an d’Zukunft vun der Liichter Sprooch am Grand-Duché.
Aktuell Artikelen
Heirënner fannt dir eis lescht Artikelen zum Thema Liicht Sprooch zu Lëtzebuerg.
Wat ass Liicht Sprooch?
Liicht Sprooch ass eng vereinfacht Form vun der geschriwwener Sprooch, déi entwéckelt gouf fir Leit ze hëllefen, déi Schwieregkeete hu mat Liesen a Verstoen. Liicht Sprooch gëtt och als “Leichte Sprache” op Däitsch oder “Facile à lire et à comprendre” (FALC) op Franséisch bezeechent.
Lëtzebuergesch
Liicht Sprooch
Däitsch
Leichte Sprache
Franséisch
Facile à lire et à comprendre (FALC)
Wichtegkeet vun der Liichter Sprooch
D’Liicht Sprooch spillt eng wichteg Roll fir d’Inclusioun an d’Participatioun vun alle Bierger an der Gesellschaft. Si hëlleft:
Leit mat Liesschwieregkeeten
Liicht Sprooch erméiglecht et Leit mat Liesschwieregkeeten, wichteg Informatiounen ze verstoen.
Leit mat intellektueller Beanträchtegung
Fir Persoune mat intellektuelle Schwieregkeeten ass Liicht Sprooch e wichtegt Instrument fir Zougang zu Informatiounen ze kréien.
Leit, déi d’Sprooch net als hir Mammesprooch hunn
Liicht Sprooch hëlleft och Leit, déi d’Sprooch net als hir Mammesprooch hunn, besser ze verstoen.
Eeler Leit a Kanner
Eeler Leit a Kanner a Jugendlecher profitéieren och vun der Liichter Sprooch fir e bessert Verständnis.
Duerch d’Benotzung vu Liichter Sprooch gëtt garantéiert, datt méi Bierger Zougang zu wichtegen Informatiounen hunn a besser um gesellschaftleche Liewen deelhuele kënnen.
Flott Hëllefsmëttele fir Liicht Sprooch
POINT Project
De POINT Project benotzt Piktogrammer fir Informatiounen esou duerzestellen datt Leit déi net gutt liese kënnen, se besser verstinn.
Klaro – Piktogrammer
Klaro bitt eng Sammlung vu Piktogrammer un, déi hëllefen, Texter méi visuell a méi einfach ze maachen.
Einfach Sprooch Iwwersetzungstool
Dësen Online-Tool erlaabt et Iech, däitsch Texter direkt an eng méi einfach Sprooch z’iwwersetzen.
Klaro – Formatiounen
Klaro bitt och Formatiounen a Liicht Sprooch un, déi iwwer UFEP, INAP an IFEN ugebuede ginn. Méi Infos op den Internet Säite vun dësen Organisatiounen.
Mat dësen Tools kann d’Accessibilitéit vun Informatioune fir eis Gesellschaft verbessert ginn fir eng méi inklusiv Kommunikatioun ze fërderen.
Reegele fir Liicht Sprooch zu Lëtzebuerg
D’Reegele fir Liicht Sprooch zu Lëtzebuerg baséieren op den internationale Richtlinnen:
Kuerz Sätz benotzen
Einfach Wierder benotzen
Kloer Erklärunge ginn
Beispiller benotzen
Biller an Ikonen als Ënnerstëtzung benotzen
Nëmmen eng Form vun engem Wuert benotzen (z.B. “Wieler” amplaz vu “Wielerinnen a Wieler”)
Komplex Sätz a Fachjargon vermeiden, oder erklären
Dës Reegele ginn a verschiddenen offiziellen Dokumenter an op Websäite wéi Guichet.lu an Infocrise.lu ugewannt, fir Kloerheet an Zougänglechkeet ze garantéieren.
Benotzung an Zukunft vun der Liichter Sprooch zu Lëtzebuerg
D’Benotzung vun cer Liichter Sprooch zu Lëtzebuerg gëtt ëmmer méi wichteg. Se gëtt a verschiddene Beräicher agesat:
Administrativ Dokumenter
Vill offiziell Formularen a Broschüre ginn a Liichter Sprooch iwwersat. Dëst hëlleft Bierger besser mat der Administratioun ze interagéieren.
Ëffentlech Informatiounen
Wichteg Informatiounen, wéi Gesondheetstipps oder Sécherheetsmoossnamen, ginn a Liichter Sprooch verëffentlecht. Dëst garantéiert, datt all Bierger Zougang zu liewenswichtegen Informatiounen hunn.
Bildung
Schoulen a Bildungsariichtunge benotzen ëmmer méi Materialien a Liicht Sprooch. Dëst ënnerstëtzt Schüler mat Liesschwieregkeeten oder aner Besoinen.
Kulturell Institutiounen
Muséeën a Bibliothéike bidden dacks Beschreiwungen an Zesummefaassungen a Liichter Sprooch un. Dëst mécht Kultur méi zougänglech fir jiddereen.
Walen a Politik
Walprogrammer a politesch Informatioune ginn ëmmer méi a Liichter Sprooch iwwersat. Dëst fërdert d’politesch Participatioun vun alle Bierger.
Et gëtt erwaart, datt an Zukunft:
- Méi digital Ressourcen a Liichter Sprooch entwéckelt ginn
- D’Ausbildung vu Professionellen an der Benotzung vu Liichter Sprooch verstäerkt gëtt
- Méi Gesetzer a Reegele fir d’Benotzung vu Liichter Sprooch a wichtege Beräicher agefouert ginn